中午想食得豐富啲，半自助午餐可能係個唔錯嘅選擇，唔單止可以任食自助菜式、主菜選擇多，價格仲比全自助午餐平，最平$98就食到多款菜式同甜品，可能比去普通餐廳食飯更加抵玩！
想知邊間半自助午餐最值得試？
今次 Buffet Cat 小編精心挑選咗多間2026年香港最受歡迎嘅半自助午餐，仲有幾間價錢相近但提供全自助午餐嘅酒店餐廳，附上最新限時優惠預訂連結！
無論你追求性價比、環境氣氛定係食物質素，總有一間啱你心水～
文末仲會分享3個重要嘅預訂自助餐貼士，助你用最抵價book到自助餐，記得睇到最後呀！
目錄
- 1. 觀塘九龍東如心酒店半自助午餐 – I-O-N 觀塘 Buffet
- 2. 香港東隅半自助午餐 – FEAST (Food by EAST) Buffet
- 3. 8度海逸酒店半自助午餐 – Café 8 Degrees Buffet
- 4. 灣仔會展（中心）薈景半自助午餐 – Congress Plus
- 5. 荃灣旭逸酒店半自助午餐 – Eat@ease Buffet
- 6. 悦品度假酒店半自助午餐 – The Platter Buffet
- 7. 悦品酒店半自助午餐 – The Platter Buffet
- 8. 香港萬怡酒店自助午餐 – MoMo Cafe Buffet
- 9. 香港富麗敦海洋公園酒店自助午餐 – 星耀廳Lighthouse Café Buffet
- 10. 香港柏寧酒店自助午餐 – PLAYT Buffet
- 11. 九龍酒店自助午餐 – The Window Cafe Buffet
- 12. 沙田萬怡酒店自助午餐 – MoMo Cafe Buffet
- 13. 香港逸東酒店自助午餐 – 普慶餐廳The Astor Buffet
- 14. 香港康得思酒店自助午餐 – The Place Buffet
1. 半自助午餐推介 | 觀塘九龍東如心酒店半自助午餐 – I-O-N 觀塘 Buffet
觀塘九龍東如心酒店嘅I-O-N係一間半自助餐廳，每日供應半自助午餐，深受附近上班族同家庭歡迎。
I-O-N設計時尚，環境寬敞舒適，非常適合同親友一齊享受悠閒嘅下午時光。
半自助午餐除咗提供無限量嘅精美頭盤同沙律冷盤等健康選擇，仲有多款招牌主菜畀客人揀選，包括意式粉麵同扒類，半自助午餐嘅價格會因應所選主菜而有所不同。
精選菜式包括烤黃油雞、烤美國安格斯肉眼扒、炸魚薯條同瑪格麗特法包薄餅等。
甜品方面，食客可以無限享用Häagen-Dazs雪糕，性價比真係高到爆！
觀塘九龍東如心酒店 I-O-N 半自助午餐詳情：
地址：觀塘創業街38號九龍東如心酒店2樓（地圖）
前往方法：港鐵牛頭角站B6出口即到
評分：4.2/5
最新價錢及預訂優惠：觀塘九龍東如心酒店 – I-O-N（按此連結預訂即享優惠）
延伸閱讀：觀塘九龍東如心酒店I-O-N自助餐買一送一優惠攻略！晚市買二送二人均$275任食雪花蟹腳、午市75折歎龍蝦尾
Buffet Cat 自助餐搜尋神器
另外立即試用我哋最新推出嘅自助餐搜尋神器，幫你輕鬆發掘全港澳做緊限時優惠嘅自助餐抵 Deal！
2. 半自助午餐推介 | 香港東隅半自助午餐 – FEAST (Food by EAST) Buffet
香港東隅酒店嘅FEAST餐廳環境寬敞開揚，散發時尚優雅嘅氣息。餐廳逢星期一至五提供半自助午餐，喺舒適嘅環境下悠然享用，感覺一流。
半自助午餐提供多元化嘅自助美食選擇，食客可以任食冷盤、湯品、飲品同甜品，仲有冰鎮海鮮如生蠔、凍蝦、海螺等，食物水準相當唔錯。
同時，客人可以自選一份主菜，包括烤焗羊肩、天多利烤雞、焗大西洋鱈魚同香辣鮮蜆意粉等。
雖然同其他半自助午餐相比，FEAST嘅價格唔算平，但勝在可以任食生蠔同冰鎮海鮮，食物質素亦唔俗，想食得豪啲嘅話值得一試！
香港東隅 FEAST 半自助午餐詳情：
地址：香港太古城太古城道29號（地圖）
前往方法：港鐵太古站D1出口即到
評分：4.4/5
最新價錢及預訂優惠：香港東隅 – FEAST (Food by EAST)（按此連結預訂即享優惠）
延伸閱讀：東隅酒店FEAST自助餐買一送一/買二送二攻略！人均$282起任食生蠔/和牛＋訂位懶人包
Buffet 貓編輯文章推介：
3. 半自助午餐推介 | 8度海逸酒店半自助午餐 – Café 8 Degrees Buffet
位於土瓜灣嘅8度海逸酒店Café 8 Degrees以高性價比聞名，逢星期一至五供應半自助午餐，餐廳環境寬敞舒適，樓底夠高，空間感十足。
半自助午餐提供多款自助美食，可以任食沙律、甜品、中西式熱湯同任飲飲品，當中必試酒店招牌甜品「芒果拿破崙」！
半自助午餐配搭一款自選主菜，以日式同東南亞菜式為主，雖然款式唔算多，但份量夠足。主廚推介有泰式海南雞、日式雜錦刺身壽司拼盤、咖喱印度薄餅同意式香草烤春雞等。
另外，酒店仲有假日自助午餐，讓你同家人朋友享受一個悠閒嘅午後時光。
8度海逸酒店Café 8 Degrees 半自助午餐詳情：
地址：土瓜灣九龍城道199號8度海逸酒店地舖（地圖）
前往方法：港鐵宋皇臺站D出口，步行約8分鐘
評分：4.1/5
最新價錢及預訂優惠：8度海逸酒店 – 8度餐廳（按此連結預訂即享優惠）
延伸閱讀：8度海逸酒店自助餐買一送一5折優惠攻略！人均$299起任食生蠔/鱈場蟹腳/煎鵝肝 (附預訂連結)
4. 半自助午餐推介 | 灣仔會展（中心）薈景半自助午餐 – Congress Plus
位於灣仔會展中心嘅薈景環境寬敞舒適，擁有大片優美海景，氣氛真係一流。
餐廳喺平日提供半自助午餐，正適合中午想食得「豪」啲嘅上班族同家庭！
半自助午餐可以自選一款主菜，搭配任食自助沙律吧、任飲中西湯品同任食甜品。
主菜通常有4至5款選擇，每星期更新，經常食都唔會悶！菜式涵蓋中西同東南亞風味，例如之前推出過口水雞、煙肉車打芝士牛肉漢堡等。
灣仔會展（中心）薈景半自助午餐詳情：
地址：灣仔港灣道1號會展廣場6樓（地圖）
前往方法：港鐵會展站B3出口，步行約4分鐘即到
評分：4.7/5
最新價錢及預訂優惠：灣仔會展（中心）薈景 – Congress Plus（按此連結預訂即享優惠）
延伸閱讀：灣仔會展中心薈景自助餐買一送一/買二送二優惠快閃攻略！訂座比較＋必食回本推介
5. 半自助午餐推介 | 荃灣旭逸酒店半自助午餐 – Eat@ease Buffet
荃灣旭逸酒店嘅Eat@ease自助餐廳採用現代工業風設計，每日設有半自助午餐，每位低至$98就食到，真係抵到笑！
半自助午餐提供豐富嘅美食選擇，食客可以自選一款主菜，搭配任食自助沙律吧、是日餐湯、精選甜品同自助飲品吧。
主菜選擇多到爆，主廚推介有澳洲草飼鮮肉眼扒、澳洲羊鞍扒、日本飛驒和牛熔岩芝士漢堡、澳洲駝鳥扒、墨西哥雞肉芝士薄餅同秘製海南雞配椰香油飯等。
荃灣旭逸酒店 Eat@ease 半自助午餐詳情：
地址：葵涌梨木道圳邊街15-19號旭逸酒店‧荃灣1樓（地圖）
前往方法：搭地鐵到葵興站B出口，步行約15分鐘即到。酒店仲有免費穿梭巴士來往港鐵葵興站（免費穿梭巴士時間表）
評分：4.1/5
最新價錢及預訂優惠：荃灣旭逸酒店 – Eat@ease（按此連結預訂即享優惠）
延伸閱讀：荃灣旭逸酒店自助餐Eat@ease 買一送一攻略！人均$149起任食生蠔/鱈場蟹腳（附訂位教學+回本攻略）
6. 半自助午餐推介 | 悦品度假酒店半自助午餐 – The Platter Buffet
位於屯門嘅悦品度假酒店The Platter以火車為主題，食客仿似置身車廂內用餐，特別推介畀火車迷一試！
餐廳逢星期一至五推出半自助午餐，可以自選一款指定主菜，配搭任食自助沙律吧、自助甜品同任飲咖啡或茶。
自選主菜大約有5款選擇，每星期都會更新，預訂前可以喺網上查睇最新菜單～
菜式種類豐富，通常包括扒類、意粉同飯，例如烤紐西蘭肉眼牛扒、香煎龍脷魚魚柳同野菌雞肉香辣蕃茄汁天使麵等。
屯門悦品度假酒店The Platter半自助午餐詳情：
地址：屯門建豐街4號悦品度假酒店‧屯門2樓（地圖）
前往方法：港鐵屯門站A出口，步行約3分鐘
評分：4.2/5
優惠詳情及預訂：悦品度假酒店‧屯門 – The Platter（按此連結預訂即享優惠）
編輯推介：屯門悦品酒店自助餐The Platter買一送一優惠！人均$175起任食鱈場蟹腳／即燒生蠔／Häagen-Dazs｜附預訂懶人包＋回本攻略
延伸閱讀：
7. 半自助午餐推介 | 悦品酒店半自助午餐 – The Platter Buffet
除咗屯門嘅悦品酒店，位於荃灣嘅悦品酒店The Platter同樣有半自助午餐。如果覺得屯門唔太方便，荃灣呢間都係好選擇～
半自助午餐設有自助沙律吧同自助甜品區，食客可以自選一款指定主菜，仲可以無限享用咖啡或茶。
自選主菜每星期都會換款，讓食客每次到訪都有新鮮感。主菜共有5款選擇，例如烤肉眼扒、意大利蕃茄芝士薄餅同海南雞飯等。
荃灣悦品度假酒店The Platter半自助午餐詳情：
地址：葵涌青山公路 – 葵涌段443號悦品酒店‧荃灣LG樓（地圖）
前往方法：港鐵葵興站B出口，步行約10分鐘
評分：3.9/5
優惠詳情及預訂：荃灣悦品酒店 – The Platter（按此連結預訂即享優惠）
延伸閱讀：荃灣悦來酒店自助餐買一送一優惠攻略！人均$153起任食生蠔/龍蝦｜附KKday/Klook預訂連結
除咗半自助午餐，唔少酒店提供性價比超高嘅全自助午餐，部分價格同半自助午餐相若，值得一試！
8. 香港萬怡酒店自助午餐 – MoMo Cafe Buffet
位於西營盤嘅香港萬怡酒店MoMo Cafe價格親民，透過優惠網站預訂折後人均$201起就可以盡享多款冰鎮海鮮、多國美食同甜品！
MoMo Cafe每日設有自助午餐，匯聚世界各地嘅新鮮食材，帶來豐富嘅海鮮美食，包括無限量供應嘅冰鎮海鮮如大蝦、鮮甜蜆、黃金螺同刺身等。
仲有多款多國熱食供應，如即切香草燒紐西蘭肉眼牛扒、蒸比目魚、多款東南亞風味菜式，以及MoMo Café嘅招牌特色石烤比薩。
甜品方面，除咗有多款精緻蛋糕甜點，仲可以任食6款口味嘅Mövenpick雪糕，自由配搭12款以上嘅雪糕配料！
香港萬怡酒店MoMo Cafe自助午餐詳情：
地址：西營盤干諾道西167號（地圖）
前往方法：喺港鐵香港大學站B1出口步行8分鐘就到
評分：4/5
最新價錢及預訂優惠：香港萬怡酒店 – MoMo Cafe（按此連結預訂即享優惠）
延伸閱讀：【西環/沙田萬怡酒店自助餐買一送一】$201起任食生蠔｜超抵自助餐必試！
9. 香港富麗敦海洋公園酒店自助午餐 – 星耀廳Lighthouse Café Buffet
星耀廳位於香港富麗敦海洋公園酒店內，提供全日自助餐服務。餐廳充滿東南亞熱帶風情，透過落地窗可以飽覽醉人海景，環境一流。
自助午餐以環球美食為主題，呈獻多款新鮮美饌，包括時令海鮮、刺身、各式熟食同甜品。
餐廳特設即席烹調美食區，現場炮製多國美食同惹味燒烤，包括地中海同亞洲風味菜式、特色披薩等，每道都新鮮熱辣。
香港富麗敦海洋公園酒店星耀廳自助午餐詳情：
地址：黃竹坑海洋徑3號香港富麗敦海洋公園酒店1樓（地圖）
前往方法：喺海洋公園港鐵站B出口搭免費酒店穿梭巴士
評分：4.6/5
優惠詳情及預訂：香港富麗敦海洋公園酒店星耀廳（按此連結預訂即享優惠）
延伸閱讀：富麗敦海洋公園酒店自助餐買一送一優惠攻略！人均$386起任食龍蝦／雪蟹腳（附訂座連結）
10. 香港柏寧酒店自助午餐 – PLAYT Buffet
銅鑼灣PLAYT餐廳以時尚工業風設計，設有開放式廚房，食客可以近距離觀賞廚師嘅烹調過程，別具特色。
自助午餐供應豐富嘅海鮮美食，精選推介有龍蝦、即開生蠔、鱈蟹腳、刺身、芒果糯米飯、燒西冷扒、法式寶雲酥羊架、土耳其薄餅同印度天馬尼菜式等。
甜品方面，必試酒店自家製Gelato雪糕，有多款特色口味如榴槤、椰子同茅台雪糕等。
香港柏寧酒店PLAYT自助午餐詳情：
地址：香港銅鑼灣告士打道310號（地圖）
前往方法：港鐵銅鑼灣站E出口
評分：4.5/5
最新價錢及預訂優惠：香港柏寧酒店 – PLAYT（按此連結預訂即享優惠）
延伸閱讀：柏寧酒店自助餐PLAYT買一送一買二送一/第二位半價優惠攻略！人均$252起任食生蠔/茅台雪糕＋訂位教學
11. 九龍酒店自助午餐 – The Window Cafe Buffet
九龍酒店嘅倚窗閣自助餐廳，食客可以一邊享用豐富嘅國際美食，一邊欣賞著名嘅「黃金1英里」景色。
倚窗閣每日供應自助午餐，呈獻多款國際海鮮同佳餚，必試推介有龍蝦、鮮甜多汁嘅雪花蟹腳、新鮮海蝦、低溫煮和牛面頰同精選燉湯。
燒烤台炮製多款香氣撲鼻嘅烤肉。另外，餐廳亦設有素食區，滿足唔同口味嘅需求。
甜品區提供多款精緻可口嘅甜點，必試芒果拿破崙，仲有9款Mövenpick雪糕任食！
九龍酒店倚窗閣自助午餐詳情：
地址：尖沙咀彌敦道19-21號九龍酒店2樓（地圖）
前往方法：搭港鐵荃灣線到尖沙咀站，步行2分鐘就到
評分：4.2/5
最新價錢及預訂優惠：九龍酒店 – 倚窗閣（按此連結預訂即享優惠）
延伸閱讀：九龍酒店自助餐買一送一！第二位$111優惠攻略，快閃人均$213起 任食雪花蟹腳/煎鵝肝｜附搶購貼士
12. 沙田萬怡酒店自助午餐 – MoMo Cafe Buffet
沙田萬怡酒店嘅MoMo Cafe環境寬敞舒適，酒店經常推出自助午餐買一送一優惠，價格親民，折後人均$221就食到！
自助午餐匯聚中西美食，包括可以任食即開生蠔、冰鎮海鮮如鮮蜆、鮮蝦、紐西蘭青口、翡翠螺同日式刺身等。
另外，仲有多款誘人嘅中西熱食供應，如燒澳洲穀飼西冷牛肉、慢煮西班牙杜洛克豬柳同廚師現煮粉麵。
餐廳設有甜品櫃，擺滿琳琅滿目嘅切件蛋糕同甜點任選，仲有港式甜品如豆腐花，以及多款口味嘅MÖVENPICK雪糕！
沙田萬怡酒店MoMo Cafe自助午餐詳情：
地址：香港新界沙田安平街1號香港沙田萬怡酒店內2樓（地圖）
前往方法：港鐵石門站C出口步行約10分鐘就到
評分：4.2/5
最新價錢及預訂優惠：香港沙田萬怡酒店 – MoMo Cafe（按此連結預訂即享優惠）
延伸閱讀：【西環/沙田萬怡酒店自助餐買一送一】$201起任食生蠔｜超抵自助餐必試！
13. 香港逸東酒店自助午餐 – 普慶餐廳The Astor Buffet
香港逸東酒店嘅The Astor普慶餐廳位於佐敦，餐廳內裝潢充滿懷舊風情，設有七個即席烹調專區，現場炮製多達200款國際美食，令人垂涎欲滴。
自助午餐提供多元化嘅美食選擇，食客可以任食生蠔、蟹腳、日式刺身、澳洲頂級肉眼同東南亞風味咖喱等，提供生蠔任食嘅自助午餐好少有，性價比超高！
甜品種類豐富到爆，仲有8款口味嘅MÖVENPICK雪糕任食。飲品除咗咖啡同茶，仲有果汁同特飲可選。
香港逸東酒店普慶餐廳自助午餐詳情：
地址：佐敦彌敦道380號香港逸東酒店B1樓（地圖）
前往方法：港鐵佐敦站B1出口或港鐵油麻地站C出口
評分：4.5/5
最新價錢及預訂優惠：香港逸東酒店 – 普慶餐廳 The Astor（按此連結預訂即享優惠）
延伸閱讀：逸東酒店自助餐普慶餐廳買一送一優惠全攻略｜整合必食回本推介＋搶購教學
14. 香港康得思酒店自助午餐 – The Place Buffet
香港康得思酒店嘅The Place自助餐備受好評，自助午餐提供豐富嘅美食選擇，食物質素出色，所以一直深受歡迎。
The Place由國際知名建築師事務所設計，為食客打造咗一個溫暖舒適嘅用餐空間。
自助午餐供應琳琅滿目嘅冰鎮海鮮同各國熱盤，包括鱈蟹腳、肥美嘅龍蝦鉗、藍青口、翡翠螺同熟蝦，仲有鮮甜嘅日式刺身、即切燒紐西蘭肉眼扒同惹味串燒等，選擇多到爆。
甜品區提供多款由糕點總廚精心製作嘅甜點，包括法式伯爵茶杏仁黃金磚、焙茶焦糖燉蛋同港式雞蛋仔，當然唔少得8款口味嘅MÖVENPICK雪糕。
每位食客仲可以無限享用精選酒類同飲品！
香港康得思酒店The Place自助午餐詳情：
地址：旺角上海街555號香港康得思酒店L樓（地圖）
前往方法：港鐵旺角站C3/E1出口或港鐵旺角東站B出口
評分：4.5/5
最新價錢及預訂優惠：香港康得思酒店 – The Place（按此連結預訂即享優惠）
延伸閱讀：康得思自助餐 The Place買一送一優惠全攻略｜整合必食回本推介＋平台搶購教學